في هذا المقال سأضع لك أفضل هاتف في حدود 3000 جنيه في 2021 حيث تكثر المنافسة في سوق الهواتف الذكية
حاليا في 2021 علي فئة الهواتف المتوسطة وخاصة من شركة ريدمي التي استطاعت احتلال نسبة كبيرة من السوق المصري .
في 2021 وريلمي تاتي بعدها وهذا بالطبع ادي اللي انخفاض اسعار الهواتف في سامسونج وأبو. لمجاراة شاومي في المنافسة .
ونحن سنسلط الضوء علي أفضل موبايل ب3000 جنيه في 2021 :
بس قبل مانبدأ لازم تعرف إن التجربة بتفرق من شخص للتاني يعني في واحد بيحب اوبو عشان بتستحمل ، وواحد بيحب سامسونج بسبب ثقته فيها وفي الضمان .
وواحد عايز تلفون كاميراته حلوة يتصور بيها ، وواحد عايز معالج كويس
للعب ، وواحد عايز موبايل عملي للشغل وخفيف . وكل واحد وليه زوقه في
الموبايلات وليه اختياراته . وعشان كده هنلم احنا احسن تليفون موجود ب3000
جنيه وانت اختار اللي يناسبك .
افضل 9 هواتف في فئة ال 3000 في 2021 :-
1- موبايل شاومي ريدمي 9T
شركة شاومي نزلت موبايل ريدمي نوت 9t بسعر حوالي 3000 جنيه وتقريبا الشركة بتنافس نفسها .
وده لان الموبايل شيه موبايل poco m3 تقريبا بنفس المواصفات والشكل اختلافات بسيطة .
ولأن بوكو تعتبر فرع منفصل تبع ريدمي فهي برده عملت الموبايل ده عشان متخسرش الفئة السعرية بتااعتها .
وهنا تحضرني مقولة أحمد حلمي في فيلم جعلتني مجرما (كل نفسك قبل ماحد يأكلك) ده حرفيا اللي شاومي بتعمله في السوق .
موبايل بيطرد قطرات المايه الخفيفة ومعالج دراجون كوالكوم سناب دراجون 662 وبطارية قوية 16 واط بسعة 6000 مللي أمبير.
موبايل ريدمي نوت 9t حلو يعره في حدود 3000 جنيه للنسخة 128 جيجا ورام 6 جيجا وفي نسخة رام 4 و128 ونسخة 64 ورام 4 .
2- موبايل ريدمي poco m3
زي ماقلنا ان شركة شاومي بتنافس نفسها ومحدش بيعلي عليها موبايل poco m3 نزل قبل ريدمي نوت 9t وكان مكسر الدنيا وسعره 3 الاف جنيه.
وتقريبا هي هي نففس المواصفات الخاص بموبايل ريدمي 9t ، اختلافات بسيطة زي الكاميرا اللي ورا كاميرا رباعية وليست كاميرا ثلاثية .
سعر موبايل poco m3 للنسخة 128 جيجا ورام 4 جيجا ب 3000 جنيه في 2021 .
3- موبايل ريملي 6I
من الموبايلات اللي لسه ثابته وجودها في السوق ومحافظة علي سعرها وكان اختفي تقريبا من المحلات ولكنه دلوقتي موجود علي موقع سوق كوم .
والموبايل بسعر 3600 موبايل كويس ومش مجود ومبيتكررش عملي وخفيف وسبق وخصصت مقال سابق عن الموبايل ده لأنه يستحق .
4-موبايل ريدمي نوت 10
موبايل معمول من خامة البلاستيك بشاشة كبيرة وضد قطرات الماء الخفيف ، بشاشة سوبر أموليد ومعالج خفيف ، بكاميرا خلفية رباعية وبيصور 4k وكاميرا امامية ،
بطارية 5000 مللي أمبير وشاحن سريع 33 وات ، ووزنه 480 جرام يعني خفيف زي ريلمي 6 .
سعرالموبايل ب3000 جنيه مصري للنسخة 128 جيجابايت ، وذاكرة رام 4 جيجابايت .
5- موبايل أوبو a53
قليل ماتنزل أوبو موبايلات لأنها بتختبر أي موبايل فترة كبيرة قبل مابتنزله وكانت متوقف فترة قبل ماتنزل سلسلة a53 . a73 .موبايل a53 بشاشة أموليد .
ووزن 164 جرام وحماية من زجاج كورنينج غوريلا 3 . بطارية 5000 مللي أمبير .
الموبايل حاليا سعره حوالي 3400 جنيه وده للنسخة 64 جيجابايت ورام 4 جيجا .
6- موبايل اوبو a73
موبايل من البلاستيك اللامع بشبة أموليد ومعالج سناب دراجون 11 نانو ، بطارية 4015 مللي أمبير .
جاي بكاميرات رباعية تدعم التصوير، ونظام تشغيل أندرويد 10 وهي تقريبا نفس مواصفات اوبو a53 مع اختلافات بسيطة .
سعرالموبايل انهاردة حوالي 3900 جنيه وده للنسخة 128جيجابايت ورام 6
جيجا ، وسعره رفع لانه كان ب3600 ممكن تلاقيه ارخص من كده في المحلات .
وجاي بلونين الأزرق والأبيض .
7- موبايل سامسونج جالاكسي A21s
بعد توقف سامسونج عن المنافسة في الفئة 3000 جنيه شاىومي اجبرتها ترد عشان تحافظ علي حصتها في السوق
فنزلت موبايل a21s بسعر 3100 جنيه للنسخة 128 جيجابايت ورام 4 جيجا والموبايل من الجيل الرابع .
سامسونج حطت معالج Exynos 850 ثماني النواة ومعالج رسومي mali g52 ، وجاي بكاميرا رباعية،بطارية 5000 مللي أمبير.
شحن 15 وات شحن سريع ونظام تشغيل أندرويد 10 ، والموبايل ب3 ألوان أبيض وأزرق وأحمر .
8- موبايل ريلمي c17
موبايل ريلمي c17 بشريحتين بسعر 3400 جنيه للنسخة اللي ذاكرتها 128 جيجا و6 جيجا رام ، وموبايل ريلمي c15 بنفس المواصفات.
وسعره أقل 300 جنيه لان النسخة رام 4 جيجا بايت ونفس الشكل وطبعا الموبايل من البلاستيك وزنه 188 جرام.
وبيدعم جميع الشبكات حتي الجيل الرابع ، وشاشة ips lcd ، ومعالج قوي من كوالكوم سناب دراجون 460 بمعمارية 11 نانو.
كاميرا رباعية بتدعم fhd ودقة 1080 بكسل ، بطارية 5000 مللي امبير وشحن سريع 18 واط وبتقد فترة كبيرة شغالة . الوانه اخضر وازرق .
9- موبايل نوكيا 5.4
الموبايل الأخير معانا وكان لازم نختم بشركة نوكيا بهاتف nokia 5.4 وهو تحديث لموبايل نوكيا 5.3
سعر الموبايل حوالي 2990 جنيه النسخة 128 جيجابايت ، و 4 جيجا رام ، الموبايل مصنوع من البلاستيك .
هو مش أحسن موبايل لأنه بطارية صغيرة بالنسة لسعره ولكن انا مرشحه لو انت بتحب موبايلات نوكيا لسلاسته وخاصة
ان تظام الاندرويد بتاعه بيكون زيرو وخفيف ومفيش اعلانات وحاجة سيمبل بس برده انت ورأيك في اي موبايل تشتريه بسعر 3000 جنيه في 2021.
وأهم شئ ماتنساش تحط تعليق بايه احسن موبايل عجبك بسعر 3000 جنيه .
